Plattdüütsch Krink

Bi uns in't Museumsdörp schall platt snackt warrn. Jüst so, as in ole Tieden. In uns Vereinssatzung steiht "Die Pflege der niederdeutschen Sprache ist wichtig."
Nu kann en Spraak blots plegt warrn, wenn se ok snackt ward. Veele Lüüd in Norddüütschland köönt Platt verstahn un lesen, blots nich snacken. Un dat mut man öven. Dorför hebbt wi uns Plattdüütsch Krink mit uns Baas Frauke Baumeister.

Wi draapt uns jeden drütten Middeweken in Maand vun Klock halvig söven bit halvig negen in'n Wagnerhoff in't Museumsdörp. Jedeen is hartli willkomen to'n Snacken, Vertellen, Vörlesen, Tohören, Singen un Högen an un mit disse schöne plattdüütsche Spraak.